यहि जुलाई १३ देखि २३ सम्म श्रीलंकामा सुरु हुने एसिसी इमर्जिङ टिम्स एसिया कपका लागि नेपाली टोली घोषणा भएको छ ।
नेपाल क्रिकेट संघ (क्यान) ले शुक्रबार रोहितकुमार पौडेलको कप्तानीमा केहिलाइ आराम दिदै केही नया अनुहार सहित १६ सदस्यीय टोली घोषणा गरेको हो ।
नेपालले एसिसी प्रिमियर कपको उपाधि विजेताको रुपमा इमर्जिङ कप खेल्न लागेको हो । उक्त प्रतियोगिताको उपविजेता युएई तथा तेस्रो भएको ओमानले इमर्जिङ कप खेल्दै छन् ।
ज्ञानेन्द्र, सन्दिप, दिपेन्द्र र करनलाइ आराम दिइयको टिममा देब खनालको पुनरागमन भयको छ।
नेपालले जुलाई १४ मा पाकिस्तानसँग खेल्दै प्रतियोगिताको सुरुआत गर्नेछ । यसैगरी नेपालले जुलाई १७ मा भारत तथा १९ जुलाईमा युएईको सामना गर्नेछ।
नेपाली टोली
रोहितकुमार पौडेल (कप्तान), कुशल भुर्तेल, आसिफ शेख, अर्जुन साउद, कुशल मल्ल, देव खनाल, अरिफ शेख, गुल्सन झा, सोमपाल कामी, भिम सार्की, श्याम ढकाल(मौसम), प्रतिश जिसी, ललितनारायण राजवंशी, किशोर महतो, सन्दीप जोरा, सूर्य तामाङ
